डिबेट नेटवर्क नेपालको एघारौं वार्षिक साधारण सभा सम्बन्धी सूचना / NOTICE – 11TH DNN AGM [संशोधन सहित]

प्रकाशित मिति: २०८२, भदौ १४

आदरणीय संचालक तथा सदस्य महानुभावहरु,

डिबेट नेटवर्क नेपालको मिति २०८२ श्रावण ३० गते संचालक समितिले गरेको निर्णय अनुसार यस मुनाफा बितरण नगर्ने कम्पनीको एघारौं वार्षिक साधारण सभा निम्न लिखित मिति, स्थान र समयमा निम्नलिखित प्रस्तावहरु उपर छलफल गर्ने गरी बस्ने भएकोले यहाँहरुको जानकारीको लागि यो सूचना प्रकाशित गरिएको छ ।

सभा हुने मिति, समय तथा स्थान:

मिति: शनिबार २०८२ आश्विन २५ (२०२५ अक्टोबर ११)*

समय: दिउसो ३ देखि ५ बजेसम्म (GMT +5:45)

स्थान: किंग्स कलेज, बिजुलीबजार, काठमाडौं (अनलाईन विकल्प सहित)

छलफलका विषयहरु:

अ) सामान्य प्रस्ताव:

१) आर्थिक वर्ष २०८१/८२ को संचालक समितिको वार्षिक प्रतिबेदन उपर छलफल गरि पारित गर्ने ।

२) लेखापरिक्षकको प्रतिबेदन सहितको आर्थिक वर्ष २०८१/८२ को वार्षिक वित्तीय विवरणहरु स्वीकृत गर्ने ।

३) आर्थिक वर्ष २०८२/८३ को लागि लेखापरीक्षण गर्नका लागि लेखापरीक्षक नियुक्ति गर्ने र निजको पारिश्रमिक तोक्ने (वर्तमान लेखापरिक्षक Madan K.C. & Associates पुनः नियुक्तिका लागि योग्य रहेको) ।

४) निर्वाचन सम्बन्धमा

आ) विषेश प्रस्ताव:

५) आगामी कार्यकाल (एघारौं वार्षिक साधारण सभाबाट गठन हुने कार्यकाल) बाट लागु हुने गरि संस्थाको संचालक समितिको कार्यकाल १ वर्षको सट्टा २ वर्षको हुने निर्णय अनुमोदन गर्ने ।

६) आगामी कार्यकाल (एघारौं वार्षिक साधारण सभाबाट गठन हुने कार्यकाल) बाट लागु हुने गरि संचालक समितिको सदस्यको योग्यतका लागि न्यूनतम उमेर २१ वर्ष कायम गर्ने ।

७) संचालक समितिले गरेका निर्णयहरू प्रभावकारी रूपमा कार्यान्वयन गर्न सहयोग पुर्‍याउने तथा संस्थाको व्यवस्थापनलाई थप चुस्त र सहकार्यपूर्ण बनाउने उद्देश्यले एक वरिष्ठ व्यवस्थापन टोली (Senior Management Team)को व्यवस्था गर्ने ।

८) आगामी कार्यकाल (एघारौं वार्षिक साधारण सभाबाट गठन हुने कार्यकाल) बाट लागू हुने गरी, वार्षिक साधारण सभाबाट निर्वाचित वा मनोनयनद्वारा चयन हुने साधारण सदस्यहरूमध्ये समावेशी प्रतिनिधित्व सुनिश्चित गर्न निम्न व्यवस्था अनुमोदन गर्ने (यस व्यवस्थाअन्तर्गत एउटै सदस्यले एकभन्दा बढी समूहको प्रतिनिधित्व गर्न सक्ने) :

• कम्तीमा ४०% सदस्य महिला वा लैङ्गिक अल्पसंख्यक (WGM – Women and Gender Minorities) हुने ।
• कम्तीमा १ जना सदस्य अपाङ्गता भएका व्यक्तिमध्येबाट रहने ।
• कम्तीमा २ जना सदस्य दलित समुदायबाट रहने ।
• कम्तीमा ३ जना सदस्य आदिवासी जनजाति समुदायबाट रहने ।
• प्रत्येक प्रदेशबाट कम्तीमा १ जना सदस्य रहने ।

९) विविध

निर्वाचनमा उम्मेदवारीको लागि सभाको १ हप्ता अगाडि फारम खोलिनेछ तथा मतदान अनलाईन माध्यमबाट सभाको ३ दिन अघि खुला गरिनेछ । तसर्थ यहाँहरुको महत्वपुर्ण सहभागिताको निमित्त आव्हान गर्दछु । धन्यवाद !

आशिमा चालीसे

अध्यक्ष, 

डिबेट नेटवर्क नेपाल

*२०८२ भदौ  ३० मा अद्यावधिक गरिएको

डिबेट नेटवर्क नेपालको छैठौँ वार्षिक साधारण सभा सम्बन्धी सुचना [संशोधित]

 

प्रकाशित मिति: २०७७ भाद्र २७

 

आदरणीय संचालक तथा सदस्य महानुभावहरु,

 

डिबेट नेटवर्क नेपालको मिति २०७७ भाद्र २० गते संचालक समितिले गरेको निर्णय अनुसार यस मुनाफा बितरण नगर्ने कम्पनीको छैठौँ वार्षिक साधारण सभा निम्न लिखित मिति, स्थान र समयमा निम्नलिखित प्रस्ताबहरु उपर छलफल गर्ने गरी बस्ने भएकोले यहाँहरुको जानकारीको लागि यो सूचना प्रकाशित गरिएको छ ।

 

सभा हुने मिति, समय तथा स्थान:

 

मिति*: २०७७ कार्तिक १ शनिबार (२०२० अक्टोबर १७) [*पूर्वनिर्धारित मिति २०७७ असोज १७ गतेसम्म आवश्यक प्राविधिक तयारी पूरा नहुने भएकोले २०७७ असोज ९ गतेको संंचालक समितिको निर्णयले संशोधन गरेको]

समय: बेलुकी ५ देखि ६ बजेसम्म (GMT +5:45)

स्थान: Zoom (भर्च्युअल बैठक – लिन्क ईमेल मार्फत प्रदान गरिने)

 

छलफलका विषयहरु:

 

अ) सामान्य प्रस्ताब

 

१) आर्थिक बर्ष २०७६-७७ को संचालक समितिको बार्षिक प्रतिबेदन उपर छलफल गरि पारित गर्ने ।

२) लेखापरिक्षकको प्रतिबेदन सहितको आर्थिक बर्ष २०७६-७७ को बार्षिक वित्तीय विवरणहरु स्वीकृत गर्ने ।

३) आर्थिक बर्ष २०७७-७८ को लागि लेखापरीक्षण गर्नका लागि लेखापरीक्षक नियुक्ति गर्ने र निजको पारिश्रमिक तोक्ने । (वर्तमान लेखापरिक्षक बिष्णु दत्त जोशी पुनः नियुक्तिका लागि योग्य रहेको)

४) निर्वाचन सम्बन्धमा

५) साधारण सदस्यहरुको संख्या २७ मा ९ थप गरी ३६ पुर्याउने र पारित भएमा यसै निर्वाचनमा लागु गर्ने

६) नयाँ कार्यकाल सुरु भएको २ महिना भित्र साधारण सदस्यको लागि संचालक समितिले प्रशिक्षण कार्यक्रम राख्नु पर्ने र उनीहरु सहितको सहभागितामा वार्षिक कार्ययोजना निर्माण गर्नु पर्ने सम्बन्धमा

७) सदस्यहरुप्रति जवाफदेही रहने र उनीहरुको निरन्तर सहभागितालाई प्रबर्धन गर्ने हेतुले प्रत्येक तीन महिनामा अध्यक्षले संचालक समितीको तर्फबाट साधारण सदस्यहरुको बैठक आयोजना गर्नु पर्ने र गएको ३ महिनाको प्रतिवेदन र आगामी ३ महिनाको योजना पेश गरी उनीहरुको सल्लाह सुझाब ग्रहण गर्ने सम्बन्धमा

८) बिभिन्न शैक्षिक संस्थाहरुमा रहेका डिबेट क्लबहरु सँग यस संस्थाको र ति क्लबहरुबिचको आपसी सहकार्य र सहयोगको वातावरण निर्माण गर्नको निमित्त तिनका प्रतिनिधिहरुको सदस्यता रहने गरी समिती निर्माण गर्ने सम्बन्धमा

९) कुनै एक संचालकको संयोजकत्वमा साधारण सदस्यहरु सम्मिलित Equity Committee गठन गर्ने र संस्थागत Equity Policy प्रकाशन गरी लागु गर्ने सम्बन्धमा

१०) संस्थाले आफ्ना हरेक संरचना र कार्यक्रमलाई लिंग एवं शैक्षिक संस्था र तहजस्ता आधारमा समावेशी बनाउने नीति लिने सम्बन्धमा

११) विविध

 

 

निर्वाचनमा उम्मेदवारीको लागि सभाको १ हप्ता अगाडि फारम खोलिनेछ तथा मतदान अनलाईन माध्यमबाट सभाको ३ दिन अघि खुला गरिनेछ । तसर्थ यहाँहरुको महत्वपुर्ण सहभागिताको निमित्त आव्हान गर्दछु ।

 

सधन्यवाद!

 

मनिष कंडेल

अध्यक्ष

डिबेट नेटवर्क नेपाल

 

प्रकाशित मिति: २०७६ पौष ६

आदरणीय संचालक तथा सदस्य महानुभावहरु,

डिबेट नेटवर्क नेपालको मिति २०७६ पौष ६ गते संचालक समितिले गरेको निर्णय अनुसार यस मुनाफा बितरण नगर्ने कम्पनीको पाँचौ बार्षिक साधारण सभा निम्न लिखित मिति, स्थान र समयमा निम्नलिखित प्रस्ताबहरु उपर छलफल गर्ने गरी बस्ने भएकोले यहाँहरुको जानकारीको लागि यो सूचना प्रकाशित गरिएको छ ।

सभा हुने मिति, समय तथा स्थान:

मिति: २०७६ पौष २६ गते (२०२० जनावरी ११ तारिक) शनिबार
समय: बिहान ११ देखि दिउसो १ बजे सम्म
स्थान: किङ्ग्स कलेज, बिजुलीबजार, काठमाडौं (२०७६ पौष १९ को संचालक समितिको बैठकले सहजताका लागि गरेेको निर्णय अनुुसार)

छलफलका बिषयहरु:

अ) सामान्य प्रस्ताब

१) आर्थिक बर्ष २०७५-७६ को संचालक समितिको बार्षिक प्रतिबेदन उपर छलफल गरि पारित गर्ने ।
२) लेखापरिक्षकको प्रतिबेदन सहितको आर्थिक बर्ष २०७५-७६ को बार्षिक वित्तीय विवरणहरु स्वीकृत गर्ने ।
३) आर्थिक बर्ष २०७६-७७को लागि लेखापरीक्षण गर्नका लागि लेखापरीक्षक नियुक्ति गर्ने र निजको पारिश्रमिक तोक्ने । (वर्तमान लेखापरिक्षक योगेन्द्र मान सिंह बस्नेत पुनः नियुक्तिका लागि योग्य नरहेको)
४) निर्वाचन सम्बन्धमा
५) विविध

उम्मेदवारीको लागि सभाको १ हप्ता अगाडि फारम खोलिनेछ तथा मतदान अनलाईन माध्यमबाट सभाको ३ दिन अघि खुला गरिनेछ । साथै अनलाईन मार्फत समग्र सहभागीता पनि जनाउन सकिनेछ । तसर्थ यहाँहरुको महत्वपुर्ण सहभागिताको निमित्त आव्हान गर्दछु ।

सधन्यवाद!

पवन अधिकारी
अध्यक्ष
डिबेट नेटवर्क नेपाल

डिबेट नेटवर्क नेपालको तेश्रो बार्षिक साधारण सभाबारे सूचना

 

प्रकाशित मिति: २०७४ मंसिर १८

आदरणीय संचालक तथा सदस्य महानुभावहरु,

डिबेट नेटवर्क नेपालको मिति २०७४ मंसिर १० गते बसेको संचालक समितिको निर्णय अनुसार यस मुनाफा बितरण नगर्ने कम्पनीको तेश्रो बार्षिक साधारण सभा निम्न लिखित मिति, स्थान र समयमा निम्नलिखित प्रस्ताबहरु उपर छलफल गर्ने गरी बस्ने भएकोले यहाँहरुको जानकारीको लागि यो सूचना प्रकाशित गरिएको छ ।

सभा हुने मिति, समय तथा स्थान:

मिति: २०७४ पौष १० गते (२०१७ डिसेम्बर २५ तारिक) सोमबार
समय: बिहान ८ देखि १० बजे सम्म
स्थान: के एम सी, बालकुमारी, ललितपुर

छलफलका बिषयहरु:
अ) सामान्य प्रस्ताब
१) आर्थिक बर्ष २०७३-७४ को संचालक समितिको बार्षिक प्रतिबेदन उपर छलफल गरि पारित गर्ने ।
२) लेखापरिक्षकको प्रतिबेदन सहितको आर्थिक बर्ष २०७३-७४ को बार्षिक वित्तीय विवरणहरु स्वीकृत गर्ने ।
३) आर्थिक बर्ष २०७४-७५ को लेखापरीक्षण गर्नको लागि लेखापरिक्षक नियुक्ति गर्ने र निजको पारिश्रमिक तोक्ने (हालका बहालवाला लेखापरिक्षक श्री त्रिबिक्रम पौडेल पुनः नियुक्ति को लागि योग्य नरहनु भएको) ।
४) निर्वाचन सम्बन्धमा ।
५) विविध ।

यहाँहरुको महत्वपुर्ण सहभागिताको निमित्त आव्हान गर्दछु साथै असुबिधा भएको खण्डमा कानुनसम्मत अनलाईन मार्फत समेत सहभागी गराउन प्रयास गरिने जानकारी दिलाउँदछु ।

सधन्यवाद!

प्रदिप घिमिरे
अध्यक्ष
डिबेट नेटवर्क नेपाल